2024 DEIALDIA: Mondragon Unibertsitatea - Deustoko Unibertsitatea partzuergoak Erakunde Kudeatzaile bezala parte hartuko du.

Zer da Global Training?

Global Training atzerriko praktiken beka programa bat da. Programa honen helburua, Euskadiko tituludun gazteen prestakuntza osatzea da, atzerriko enpresa zein erakunde ezberdinetan gutxieneko 6 hilabeteko praktikak eginez.

Mondragon Unibertsitateak eta Deustuko Unibertsitateak osatutako Partzuergoak 50beka eskainiko ditu programa honen esparruan 2024ko deialdian.

Beka hauek Basque Trade & Investmenten (Euskal Nazioartekotze Agentziaren), SPRI-Enpresen Garapenerako Euskal Agentziaren eta Eusko Jaurlaritzaren egitasmoa dira. Global Training hainbat erakunderen bidez kudeatzen da, eta beken eskaintza bateratua Basque Trade & Investmenten webgunean kontsultatu dezakezu.